Ուրուգվայի նախագահ Խոսե Մուխիկան առաջին անգամ ելույթ է ունեցել հեռուստատեսությամբ: Նրան կարելի է համարել աշխարհի ամենաաղքատ նախագահը: Հարցազրույցում դուք նրան կտեսնեք որպես համեստ, մեծահոգի, իմաստուն անձնավորություն: Նա իր ժողովրդի մասին խոսել է որպես հայր, որը հոգ է տանում երեխաների մասին՝ առաջարկելով լավ օրենքներ և աջակցելով նրանց ցանկացած իրավիճակում: Այս մասին հայտնում է upvines.net-ը:
Նրա համեստ անձի ու ապրելակերպի վրա հանրության ուշադրությունը կենտրոնացավ այն ժամանակ, երբ նա 2010-ին նախագահ ընտրվեց: Նա Մոնտեվիդեոյում ապրում է համեստ տանը, վարում է 1987 թվականի արտադրության Volkswagen Beetle ավտոմեքենա, նվիրատվություն է անում իր աշխատավարձի 90 տոկոսը:
Սպիտակ տանը ընդունելության ժամանակ նա առաջարկել է Օբամային իր երկրում ընդունել Գուանտանամոյի բանտարկյալներից մի քանիսին՝ արագացելու բանտի փակման գործընթացը:
Ուրուգվայի նախագահը CNN-ի հետ հարցազրույցում ասել է, որ աշխարհում դառնալով մարիխուանայի առևտուրն օրինականացրած առաջին երկիրը, իրենք ոչ թե նպատակ ունեն տարածելու կախվածությունը, այլ կարգավորելու շուկան, քանի որ ճնշումներն օգուտ չեն տալիս: Անդրադառնալով իր կենսապայմաններին՝ նա ասել է, որ ապրում է այնպես, ինչպես իր երկրի բնակիչների մեծ մասն են ապրում:
