Թուրքական Doğan լրատվական գործակալության փոխանցմամբ՝ Իգդիրում շարունակվում են Կենտրոնական մզկիթի կառուցման աշխատանքները: Մզկիթի 4 մինարեթների (աշտարակ) բարձրությունը կազմելու է 70 մետր, որպեսզի դրանք տեսանելի լինեն հարևան Հայաստանից:
Մզկիթի կառուցման աշխատանքները մեկնարկել են 2006 թվականին, և ներկա դրությամբ կատարվել է այդ աշխատանքների 70 տոկոսը: Մզկիթի տարածքը կազմում է 2000 քառակուսի մետր: Կառուցումից հետո մզկիթն ի վիճակի կլինի նամազի համար միաժամանակ տեղավորել 6000 մարդու: Մզկիթի կառուցումը գնահատվում է 3 միլիոն լիրա (1 դոլարը հավասար է 1.76 լիրայի):
