Մադրիդի «Ռեալ»-ի գլխավոր մարզիչ Ժոզե Մոուրինյոն իր սպասելիքներն է հայտնել ՉԼ գավաթի խաղարկության խմբային փուլի չորրորդ տուրի շրջանակներում «Բորուսիա»-ի դեմ այսօր կայանալիք խաղից:
«Մեր խումբը շատ բարդ է, այն շատ բան է պահանջում մասնակիցներից. բոլորը մեծ ճնշման տակ են գտնվում: Խմբի բոլոր ակումբներն էլ կարող են դուրս չգալ փլեյ-օֆֆ: Մենք և «Բորուսիա»-ն այլ ակումբների համեմատ ավելի լավ կարգավիճակում ենք գտնվում, սակայն հնարավոր է, որ «Սիթի»-ն վաստակած միավորների թվով գերազանցի մեզ և առաջ անցնի:
«Բորուսիա»-ն ուժեղ թիմ է, որն օպտիմալ մարզավիճակում է գտնվում և հիանալի խաղացողներ ունի: Եթե դորտմունդցիները հաջորդ փուլ դուրս գան, ապա կհավակնեն չեմպիոնի կոչումը նվաճելուն:
Պետք է նշեմ, որ Բենզեման խնդիրներ ունի ազդրի զատող մկանի հետ: Չեմ կարող ասել, թե որքան ժամանակ նա խաղադաշտ դուրս չի գա, սակայն, անկասկած, բաց կթողնի «Բորուսիա»-ի դեմ հանդիպումը: Վարանը կընդգրկվի մեկնարկային կազմում, սակայն ոչինչ չեմ կարող ասել Մոդրիչի վերաբերյալ»,- Մոուրինյոյին մեջբերում է «Ռեալ»-ի պաշտոնական կայքը:
