2012թ հոկտեմբերի 21-26-ը Դոնի Ռոստով քաղաքում կայացած «Կովկասը մեր տունն է» ուսանողական միջազգային փառատոնում ԵՃՇՊՀ-ի շախմատի հավաքականը, խաղալով Ազովոչենոմորիան ագրոինժեներական պետական ակադեմիայի, ՌԴ նախագահի ծառայությանը կից Ռուսաստանի ժողտնտեսության ակադեմիայի հարավռուսաստանյան ինսնտիտուտի մասնաճյուղի, Ռոստովի շինարարական պետական համալսարանի շախմատի հավաքականների հետ, տարավ բացարձակ հաղթանակ և գրավեց առաջին տեղը՝ արժանանալով «Կովկասը մեր ընդհանուր տունն է» միջազգային փառատոնի գավաթին:
Չորս խաղերից առաջին երկուսում ԵՃՇՊՀ հավաքականը 3:0 հաշվով հաղթանակ տարավ: Մյուս երկու խաղերում թիմը մրցակցիների նկատմամբ առավելության հասավ 2:1 հաշվով: Առաջին խաղատախտակի վրա խաղաց առաջին կուրսի ուսանող Դավիթ Պարզիկյանը, երկրորդի վրա՝ ճարտարապետության, դիզայնի, շինարարության փորձագիտական կենտրոնի ղեկավար Հովհաննես Քելեջյանը, իսկ երրորդ խաղատախտակի վրա փայլուն հանդես եկավ առաջին կուրսի ուսանողուհի Նարե Առաքելյանը: Թիմի մարզիչը դոցենտ Ռաֆայել Չատինյանն է:
Այսօր լրագրողները շախմատի ակումբու հանդիպեցին բուհի ռոկտոր Հովհաննես Թոքմաջյանի ու շախմատի թիմի ներկայացուցիչների հետ:
«Միջազգային մրցասպարեզում նման հաջողության չէի հասել, այդ իսկ պատճառով այս հաղթանակն առանձնահատուկ է ինձ համար: A խմբում գրավեցինք առաջին հորիզոնական ու դուրս եկանք եզրափակիչ, որտեղ առավելության հասանք Վոլգոգրադի թիմի նկատմամբ: Սա մեր առաջին լուրջ հաջողությունն էր»,- նշեց Նարե Առաքելյանը:
Շախմատի զարգացումը ԵՃՇՊՀ-ի ուսումնակրթական քաղաքականության կարևոր մասերից մեկն է: 2010թ ԵՃՇՊՀ-ն հիմնադրեց Տիգրան Պետրոսյանի անվան շախմատի ակումբը, որտեղ բացի ուսանողներից մարզվում են նաև երեխաներ՝ 7 տարեկանից սկսած: Ս.թ. հոկտեմբերի 30-ին Ռաֆայել Վահանյանն ընտրվեց ԵՃՇՊՀ շախմատի ակումբի նախագահ: Նախատեսվում է 2013թ. աշնանն անցկացնել Վահանյանի գավաթ առաջին ուսանողական միջազգային մրցաշարը, որը կդառնա ավանդական:
