«Ալ-Քաիդա» համաշխարհային ահաբեկչական խմբավորման առաջնորդ Այման ազ-Զավահիրին եգիպտացիներին կոչ է արել «ավարտին հասցնել» հեղափոխությունը:
Զավահիրին արել Եգիպտոսին կոչ է վերջ տալ Իսրայելի հետ հարաբերությունների «լավացման» քաղաքականությանը, որն իբրև թե վարում է Եգիպտոսի նախագահ Մուհամմեդ Մուրսին:
Զավահիրին ասել է, որ անհրաժեշտ է զանգվածային ցույցեր անցկացնել Իսրայելի դեսպանատան առջև՝ ընդդեմ Իսրայելի հետ հարաբերությունների լավացման, ընդդեմ խաղաղության պայմանագրի, ընդդեմ պաղեստինյան հողերի օկուպացման, ընդդեմ սիոնիստական ցանկացած ագրեսիայի:
«Մարտը չի ավարտվել, այն դեռ նոր է սկսվել: Հեղափոխությունը Եգիպտոսում պետք է շարունակվի և մահմեդական համայնքը պետք է զոհաբերի իրեն վերջնական նպատակին հասնելու համար»,- նշել է նա:
Զավահիրին նաև նախագահ Մուրսիից պահանջել է «պարզաբանել դիրքորոշումը պաղեստինցիների ազատագրման համար ջիհադի վերաբերյալ»:
