Գերմանացի մասնագետ Բերնդ Շուստերը հարցազրույց է տվել, որի ընթացքում հայտնել է ժամանակակից ֆուտբոլի բացասական կողմերի մասին:
«Կուշտ եմ «Քամփ Նոու»-ում խաղերից: Այդտեղ են գալիս, որ 10 հոգով պաշտպանվեն: Նախորդ տարի տեսնում էինք, թե ինչ էր անում «Չելսի»-ն: Այդպես չի կարելի: Դա վատ օրինակ է ֆուտբոլի համար: Չեմպիոնների Լիգայում չպետք է լինեն «Սելթիկ»-ի նման թիմեր, որոնք ամբողջ խաղն անցկացնում են սեփական տուգանային հրապարակում:
Ինչ վերաբերում է «Ռեալ»-ին… Գալիս ես այստեղ և ահավոր ճնշման ես ենթարկվում: «Արքայական ակումբ»-ի մարզիչների դժբախտությունն այն է, որ թիմը պետք է անպայման միշտ լավ խաղա և ընդ որում` հաղթի: Քչերին է հաջողվել դա, օրինակ` Դել Բոսկեին»,- իր խոսքում նշել է մասնագետը:
