Փոստային առաքման ոլորտում առաջատար FedEx ընկերությունը հայտարարարել է 20 հազար ժամանակավոր աշխատող վարձելու իր ծրագրերի մասին: Գլխավորապես նոր աշխատողների անհրաժեշտություն կառաջանա ամանորյա և ծննդյան տոների նվերների դասակարգման և առաքման հոսքը կազմակերպելու համար,- հաղորդում է France 24-ը:
Ընկերության մասնագետների հաշվարկներով՝ դեկտեմբերի 10-ը կդառնա ամենածանրաբեռնված օրը: Ակնկալվում է, որ այդ օրը աշխատակիցները կիրականացնեն ռեկորդային թվով՝ 19 մլն առաքում, ինչը 10%-ով գերազանցում է նախորդ տարվա ցուցանիշը: Առաջին հերթին աճը պայմանավորված է ինտերնետ խանութներում գնումների սեգմենտի աճով:
Ընդհանուր առմամբ, ԱՄՆ-ում Երախտագիտության օրվա, Սուրբ Ծննդյան և Նոր տարվա օրերին FedEx-ը կանխատեսում է իրականացնել ավելի քան 280 մլն առաքում ամբողջ աշխարհում (նախորդ տարվա համեմատությամբ 13%-ով ավելի):
Մշտական հիմունքով ընկերությունում աշխատում է շուրջ 300 հազար մարդ:
