Apps4all.ru պորտալը կազմել է անցած շաբաթվա iPhone-ի լավագույն 10 հավելվածները: Ցուցակում տեղ են գտնել Carmageddon-ը, կարաոկեն և նույնիսկ լուսանկարներից կոմիքսներ ստեղծելու հավելվածը:
Առաջին տեղում Biotic Blitz խաղն է, որը պատմում է կենդանի օրգանիզմի մասին: Թշնամի միկրոօրգանիզմները հարձակվում են, բջիջները՝ պաշտպանվում: Մարտի դաշտում կա նաև հերոս, որը կարող է շարժվել խաղադաշտով և հարձակվել հակառակորդների վրա:
Երկրորդ տեղում Carmageddon-նն է: Խաղը նախագծերի ֆինանսավորման KickStarter պլատֆորմում ավելի քան 500 հազար դոլար է հավաքել և այժմ սկսում է իր մուտքը բջջային պլատֆորմներ՝ սկսելով iOS-ից: Խաղում կրկին արյուն է, անարխիա, մսաղացում` կատուներ և այլն:
Երրորդ տեղում Fix-it Felix Jr. անիմացիոն կատակերգական ֆիլմն է, որի ռեժիսորն է Ռիչ Մուրը:
Թոփ տասնյակի չորրորդ հորիզոնականում է Bonfyre մինի սոցցանցը, որը նախատեսված է ընկերների նեղ շրջանակի համար, դրան հաջորդում է The Voice On Stage կարաոկե հավելվածը: 6-րդ հորիզոնականում Prometheus Weyland Corp Second Screen Archive հավելվածն է, որը կարծես ներքին հայացք լինի Ռիդլի Սքոթի «Պրոմեթեյին»: Հեղինակներն ասում են, որ հավելվածը պատասխանում է այն բոլոր հարցերին, որոնք կարող են առաջանալ ֆիլմը դիտելիս:
7-րդ հորիզոնականում The Heist փազլ-խաղն է: Դրան հաջորդում են լուսանկարները անիմացիոն մշակման ենթարկելու համար նախատեսված Pop Dot Comics հավելվածը, հին թղթե նոթատետրի Meernotes բջջային տարբերակը՝ «ամպային» ծառայություններով: Տասնյակը եզրափակում է Robots Attack! խաղը, որտեղ ռոբոտները ըմբոստանում են մարդկանց դեմ և պատերազմ սկսում՝ իրենց ճանապարհին լազերներով այրելով ամեն ինչ:
