Միլանի «Ինտեր»-ի ավագ Խավիեր Ձանետին տպավորված է ընթացիկ մրցաշրջանում Անդրեա Ստրամաչոնիի աշխատանքով:
Երեկ «Սան Սիրո»-ում «Ինտեր»-ը հերթական հաղթանակն է տարել Իտալիայի առաջնության շրջանակներում: Ակումբի վետերանը գտնում է, որ հաղթանակը գլխավոր մարզչի վաստակն է:
«Թիմը շարունակում է աճել, և մենք միասնական ենք խաղադաշտում: «Կատանիա»-ի դեմ խաղում մարզիչը հոգ էր տարել ամեն ինչի համար: «Ինտեր»-ն արժանի էր հաղթանակի: Սա կարևոր քայլ էր: Հնարավոր բոլոր միջոցներով պետք է հաղթանակի հասնեինք և մենք կարողացանք նվաճել բաղձալի հաղթանակը»,- իր հիացմունքն է հայտնել Ձանետին:
