Լեբրոն Ջեյմսն ու իր ավտոմեքենաները (լուսանկարներ)

Երբ «Մայամի Հիթ»-ը հաղթող ճանաչվեց NBA-ում, լրագրողները սկսեցին կատակել՝ ասելով. «Տեսնես ի՞նչ նոր՝ թանկարժեք ձեռքբերում կունենա Լեբրոն Ջեյմսը»:

Հայտնի բասկետբոլիստը հայտնի է նաև ավտոմեքենաների իր ուրույն հավաքածուով, որը 2012 թվականին դարձավ ավելի մեծ չափերի:

 

 

 Ասում են՝ Լեբրոնն իր Hummer H2-ը նվեր է ստացել ծննդյան 18-ամյակի կապակցությամբ: Ամենագնացը, չնայած այդքան էլ նոր չէ, այնուամենայնիվ իր հատուկ տեղն ունի Լեբրոնի առանց այն էլ մեծ ավտոտնակում:

 

 

 Լեբրոն Ջեյմսի հաջորդ մեքենաները եղան Mercedes S63-ն ու Maybach 57s-ը:

 

Քլիվլենդում անցկացրած տարիներին Ջեյմսն իր ավտոտնակը համալրեց ևս մեկ «հրաշքով»՝ Ferrari F430: Համացանցում կա անգամ այն պահը, թե ինչպես է մեքենան հանձնվում Լեբրոն Ջեյմսին:

 

 

 

Որպեսզի լրջորեն նշի իր՝ «Մայամի Հիթ» տեղափոխությունը, Լեբրոնը ձեռք բերեց Jeep Wrangler մակնիշի նարնջագույն ավտոմեքենա, որն ուներ Jeep Wrangler-ի համար ոչ սովորական տեսք՝ չորս դուռ:

 

 Ավտոտնակը համալրվեց նաև ամբողջովին սպիտակ մեքենայով: Մակնիշը՝ Chevy Camaro:

 

 

«Մայամի Հիթ»-ի հարձակվողի հաջորդ ավտոմեքենան Dodge Challenger SRT-ն էր:

 Իսկ ահա հաջորդ մեքենան, որ գրեթե ամբողջովին համապատասխանում է իր տիրոջը՝ թեˊ հզորությամբ, թեˊ խարիզմայով, Rolls Royce Phantom-ն է…