«Պորտու»-ի հարձակվող Խամես Ռոդրիգեսը, ով գրավել է մի շարք եվրոպական գրանդ ակումբների ուշադրությունը, հայտարարել է, որ երազում է մի օր խաղալ Մադրիդի «Ռեալ»-ում:
«Ես հանդիսանում եմ «Պորտու»-ի ու Կոլումբիայի հավաքականի խաղացող ու դեռևս չեմ շտապում ինչ-որ բան փոխել կյանքումս: Չեմ շտապելու, քանի որ պետք է դեռ կատարելագործվեմ որպես ֆուտբոլիստ:
«Մանչեսթեր Յունայթեդ» տեղափոխվելուս մասին լուրերը ոչ այլ ինչ են, քան ասեկոսեներ: Ես իրոք սովորում եմ անգլերեն, բայց ոչ թե նրա համար, որ շուտով տեղափոխվելու եմ Անգլիա, այլ նրա համար, որ այդ լեզուն շատ պահանջված է ցանկացած երկրում:
Մի օր կուզենայի հանդես գալ Իսպանիայի առջնությունում: Ես երջանիկ եմ «Պորտու»-ում, բայց եթե տեղափոխվեի «Ռեալ», դա կլիներ երազանքիս իրականացում:
«Ոսկե գնդակ»-ի մասին մտածում է ցանկացած ֆուտբոլիստ: Ես ամեն օր քրտնաջան աշխատում եմ, որ, միգուցե, մի օր նվաճեմ այդ մրցանակը: Ես դեռ 21 տարեկան եմ, ու ամեն ինչ առջևում է»,- հայտարարել է Խամես Ռոդրիգեսը:
