Մադրիդի «Ատլետիկո»-ն 13.5 մլն եվրոյի դիմաց ձեռք է բերել պորտուգալացի ֆուտբոլիստ Լուիշ Միգել Աֆոնսո Ֆերնանդեսի (ավելի շատ հայտնի Պիցի անունով) տրանսֆերային իրավունքները:
Խաղացողը, ում տրանսֆերը պատկանում էր «Բրագա»-ին, նախորդ մրցաշրջանի վերջում վարձավճարով հանդես էր գալիս «Ատլետիկո»-ի կազմում, որի կազմում 11 խաղ անցկացրեց, որոնցից ոչ մեկում մեկնարկային կազմում չէր:
Այս մրցաշրջանում արդեն Պիցին 7 խաղ է անցկացրել «Դեպորտիվոյի» կազմում, որտեղ կրկին խաղում է վարձակալական հիմունքներով: Այդ խաղերում նա 2 գոլ է խփել՝ իրացնելով երկու 11 մետրանոց:
«Մենք արդեն երկար ժամանակ է, ինչ հետևում ենք այս խաղացողին: Մեզ դուր է գալիս նրա աշխատասիրությունն, ու այն ոճը, որով նա խաղում է, լավ համապատասխանում է «Ատլետիկո»-ին»,- հայտարարել է մադրիդյան թիմի գործադիր տնօրեն Միգել Անխել Խիլ Մարինը El Pais-ի հետ զրույցի ժամանակ:
