Ղրղըզստանում ընդդիմադիր «Ատա ժուրտ» կուսակցության ներկայացուցիչներն այսօր պատրաստվում են երկրի տարբեր քաղաքներում փողոց դուրս գալ:
Ինչպես հաղորդում է «Ազատություն» ռադիոկայանի ռուսական ծառայությունը, նրանց գլխավոր պահանջն է ազատ արձակել կուսակցության առաջնորդներին, որոնք 48 ժամով ձերբակալվել են իշխանությունը զավթելու փորձի քրեական գործով հետաքննության արդյունքում:
Ընդդիմադիրները հայտարարել են, որ ակցիաները կկրեն խաղաղ բնույթ: Սակայն չնայած այդ հավաստիացումներին՝ իշխանությունները անվտանգության միջոցառումներ են ձեռնարկում:
Հիշեցնենք. երեկ Բիշքեկում ընդդիմադիրնեը փորձեցին ներխուժել կառավարության տուն՝ պահանջելով ազգայնացնել կանադական ընկերության կողմից շահագործվող ոսկու հանքը: Ոստիկանության հետ տեղի ունեցած բախումներում վիրավորվել է առնվազն 12 մարդ:
