Գերմանական մամուլը գրում է, որ ֆուտբոլի Գերմանիայի ազգային հավաքականի գլխավոր մարզիչ Յոահիմ Լյովն իր շնորհակալական խոսքն է հղել Գերմանիայի ազգային թիմի նախկին կիսապաշտպան Միխայել Բալաքին նրա անցկացրած կարիերայի համար:
Հիշեցնենք, որ 36-ամյա կիսապաշտպանը երեկ պաշտոնապես հայտարարեց կարիերան ավարտելու մասին:
«Կարիերան ավարտում է մի մեծ ֆուտբոլիստ, որին ամբողջ աշխարհն է ճանաչում: Ազգային հավաքականում Բալաքին միշտ դիտել եմ իբրև հզոր ֆուտբոլիստի, որը միշտ կարող է ստանալ իմ աջակցությունը: Դաշտում նա միշտ էլ առաջատար է եղել, հաջողության հասնելու համար ոչինչ չի խնայել: Գերմանիայի հավաքականն իր ողջ անձնակազմով հաջողություններ է մաղթում Բալաքին անձնական կյանքում»,- ասել է Լյովը:
