Չեմպիոնների լիգայի խմբային փուլի երկրորդ տուրի «Յուվենթուս» – «Շախտյոր» մրցավեճի նախօրեին Ջորջո Կելինին իր տված մամլո ասուլիսի ընթացքում խոսել է նաև Հայաստանի ազգային հավաքականի ու Դոնեցկի «Շախտյոր»-ի կիսապաշտպան Հենրիկ Մխիթարյանի մասին:
Պատասխանելով լրագրողի այն հարցին, թե Կելինին արդյոք գիտի՞ Հենրիկ Մխիթարյանի մասին, թե ինչպես է անհրաժեշտ պահել նրան, քանի որ սա դեռևս չի հաջողվում անել ոչ մեկին ոˊչ Ուկրաինայում, ոˊչ Եվրոպայում, ասել է. «Հենրիկը շատ ուժեղ ֆուտբոլիստ է: Նա շատ տաղանդավոր է: Այնպես որ կարող է խաղալ եվրոպական լավագույն թիմերում: Մենք, անկեղծ ասած, այսպիսի առաջխաղացում չէինք սպասում նրանից, քանի որ նախկինում այդքան էլ լավ չէր խաղում: Սակայն «Շախտյոր»-ում կան նաև ուրիշ ֆուտբոլիստներ, որոնք ևս արժանի են եվրոպական գրանդ ակումբների կազմում հանդես գալուն»:
