Նյու Յորքում բողոքի ցույց է տեղի ունեցել Warwick հյուրանոցի դիմաց, որտեղ իջևանել է Իրանի նախագահ Մահմուդ Ահմադինեժադը. վերջինս ԱՄՆ է ժամանել՝ ՄԱԿ-ի Գերագույն ասամբլեայի հերթական նիստին մասնակցելու: Ինչպես հաղորդում է «Ազատություն» ռադիոկայանի ռուսական ծառայությունը, ակցիայի մասնակիցները քննադատության են ենթարկել հյուրանոցի սեփականատերերին այն բանի համար, որ նրանք հյուրընլալել են Իրանի պատվիրակությանը:
Բողոքի ակցիայի կազմակերպիչ Դևիդ Իբսենը, որը միջուկային ծրագրի դեմ հանդես եկող ընկերության գործադիր տնօրենն է, հայտարարել է, որ ցուցարարներն իրենց բողոք են արտահայտում Ահմադինեժադի և Իրանի պատվիրակության՝ Նյու Յորք ժամանելու դեմ:
ՄԱԿ-ի նախորդ նիստերի ընթացքում Ահմադինեժադի ելույթը՝ կապված Հոլոքոստը հերքելու հետ, առաջացրել էին միջազգային հանրության վրդովմունքը՝ հանգեցնելով Իրանի մեկուսացմանը: Արևմուտքի երկրները Իրանին մեղադրում են միջուկային զենք ստեղծելու մտադրության մեջ, Թեհրանը մերժում է այդ մեղադրանքները:
