ՀՀԿ ԱԺ պատգամավոր Կարեն Ավագյանը նկատեց, որ ԱԺ քառօրյան մեկնարկեց մեքսիկական սերիալի տրամբանությամբ: Արդեն բոլորին հոգնեցրած սյուժետային այս գիծը` «մանդատը սիրում է Րաֆֆի Հովհանիսյանին, իսկ Րաֆֆի Հովհաննիսյանը սիրում է ուրիշին», վերակենդանցվեց նոր պաթոսով և շեշտադրումով: Նրա խոսքերով, ֆիլմում հայտնվել է նոր դրական հերոս` կոալիցիոն հռչակագիրը, և Րաֆֆի Հովհաննիսյան-մանդատ զույգը վերածվել է հիրավի սիրային եռանկյունու:
«Գլխավոր հերոս Րաֆֆի Հովհաննիսյանը քաղաքական խանդի հողի վրա վերջնականապես կորցնում է քաղաքական տրամաբանության չնչին նշույլները և բոլորիս հայտնի անեկդոտի գլխավոր հերոսի նման Րաֆֆի Հովհանիսյանը անընդհատ կրկնում է` ինձ մանդատ պետք չէ, ինձ մանդատ պետք չէ»:
«Գտնվում է հոգեկան տվայտանքների մեջ և խանգարվում այն աստիճանի, որ կարծում է, թե մանդատը ուտելու համար է: Գլխավոր հերոսի ներաշխարհը խառնված է այն աստիճանի, որ անպատասխան սիրո զգացումը ստանում է խմբակային սիրո դրսևորումներ, որ Րաֆֆի Հովհաննիսյանի ամբոջ քաղաքական ռեսուրսը լուծվում է այս հարցի քննարկմանը: Կբաժանվի՞ արդյոք Րաֆֆի Հովհաննիսյանը մանդատից` կոտրելով հեռուստադիտողների սրտերը, թե՞ շարունակի այս մելոդրաման:
Վստահ եմ, որ գլխավոր հերոսը հոգու սրտում քաջ գիտակցում է, որ եթե ինքն ու իր կուսակցությունը վեջնականապես բաժանվեն մանդատներից, ապա վերջնականապես ընդամենը կլրացնեն արտախորհրդարանական ընդդիմության խայտաբղետ շարքերը և ՀԱԿ-ի աչքերում ամբողջությամբ կկորցնեն գործիք լինելու կարևորությունը: Իսկապես որ վատ ընդդիմությանը մանդատն է խանգարում: Այս իմաստով գլխավոր հերոսը դատապարտված է հավերժ կրկնելու` շոու մաստ գոու:
Պարոնա՛յք, շոուն շարունակվում է»,- տարիքային տարբերությունն էլ չհարգելով` նման հայտարությամբ հանդես եկավ Կարեն Ավագյանը: