Ռուսների մեծ մասը կարծում է, որ արտասահմանյան բանկային հաշիվներ ու արտասահմանում անշարժ գույք ունեցող չինովնիկները պետք է բանտում հայտնվեն: RBC-ի փոխանցմամբ` այսպիսին են Հասարակական կարծիքի ուսումնասիրման համառուսական կենտրոնի անցկացրած սոցիոլոգիական հարցումների արդյունքները:
Հարցման արդյունքներով` 62%-ը վստահ է, որ արտասահմանում գույք ունեցող բյուրոկրատներին պետք է զրկել ազատությունից: Հարցվածների միայն 28%-ն է կարծում, որ նման իրավախախտման համար պետք է տուգանել, պարտադրել կատարել ուղղիչ աշխատանքներ և արգելել պաշտոն զբաղեցնել որոշակի ժամանակահատվածում:
Հարցախույզին մասնակցածների 49 տոկոսը կարծում է, որ սահմանափակումները պետք է վերաբերեն միայն բարձրաստիճան պաշտոնյաներին՝ Դաշնային խորհրդի պատգամավորներին կամ նահանգապետերին (հարցման մեջ նշված չեն նախագահը, կառավարության ղեկավարը, նախարարները), իսկ 38%-ը վստահ է, որ բոլոր պետական պաշտոնյաները, իրավապահ մարմինների աշխատակիցները և անչափահաս անձինք չպետք է ունենան արտասահմանում անշարժ գույք ձեռք բերելու իրավունք:
Հասարակական կարծիքի ուսումնասիրման համառուսական կենտրոնի սոցհարցումները անցկացվել են սեպտեմբերի 1-2-ը: Հարցմանը մասնակցել է 1600 մարդ` ՌԴ 46 մարզերի 138 բնակավայրերից:
