Google-ի քարտեզները iPhone 5-ում ներդնելուց հրաժարվելու և դրանք ֆիրմային ծառայությամբ լրացնելու Apple-ի որոշումը հարուցել է գնորդների դժգոհությունը: Այս մասին հայտնում է The Wall Street Journal-ը:
Google-ի քարտեզները մինչ օրս տեղադրվել են նախկինում թողարկված Apple-ի սմարթֆոնների բոլոր մոդելների վրա, որոնցից առաջինը շուկայում է հայտնվել 2007-ին: iPhone 5-ի սեփականատերերից բացի՝ նոր քարտեզները հասանելի կլինեն այն օգտատերերին, որոնք կթարմացնեն իրենց iPhone-ի և iPad-ի օպերացիոն համակարգը՝ տեղադրելով iOS 6:
Apple-ի քարտեզներում օգտատերերը բազմաթիվ սխալներ են հայտնաբերել: Որոշ օբյեկտներ, լանդշաֆտներ, ճանապարհներ ու գետեր սխալ են պատկերված: Օրինակ՝ Golden Gates կամուրջը քարտեզում պատկերված է Սան Ֆրանցիսկոյից 4 մղոն հեռավորության վրա:
Օգտատերերը սկսել են նույնիսկ սոցիալական ցանցերում խմբեր բացել՝«Վերադարձրե՛ք մեզ Google Maps-ը» անվանումով:
