Սիրիայի խոշոր քաղաքներում դեռևս ընթացող հակամարտության ֆոնին այսօր երկրում սկսվում է նոր ուսումնական տարին: Ավելի քան 5 միլիոն դպրոցականներ և 385 հազար ուսուցիչներ բացում են 22 հազար դպրոցների դռները` սկսելու նոր ուսումնական տարին: Այս մասին հաղորդում է ITAR-TASS-ը:
Բացառություն են կազմում 607 դպրոցական հաստատություններ, որոնք լիովին ավերվել են մարտական գործողությունների հետևանքով, կամ որոնցում ապաստանել են իրենց տները լքած սիրիացիները:
Սիրիայի Արաբական Հանրապետության կրթության նախարարը խոստացել է նոր ուսումնական տարվա բարեհաջող մեկնարկ:
