Ինչպես արդեն տեղեկացրել էինք, ՄԱԿ-ն այսօր միաձայն պատժամիջոցներ է կիրառել Քադաֆիի և նրա մերձավորների դեմ: Ընդունված բանաձևով արգելվել է նրանց ելքը երկրից, ինչպես նաև սառեցվել են նրանց հաշիվներն արտերկրում:
Պատժամիջոցների վերաբերյալ ընդունված որոշումից անմիջապես հետո Թուրքիան դատապատարտել է ՄԱԿ-ի բանաձևը: Այդ մասին հայտարարություն է արել Թուրքիայի վարչապետ Ռեջեփ Թայիփ Էրդողանը, որն ասել է, որ «դրանից ավելի շատ կտուժի Լիբիայի ժողովուրդը, քան ինքը` Մուամար Քադաֆին»:
«Լիբիացիներն արդեն հիմա սովի են մատնված, ի՞նչ կլինի, եթե պատժամիջոցներ կիրառվեն: Պատժամիջոցների պատճառով այդ երկրի ժողովուրդը, որն առանց այն էլ տառապում է բռնություններից և սովից, էլ ավելի հուսահատ վիճակում կհայտնվի», նշել է Էրդողանը: Նա նաև ավելացրել է, որ միջազգային հանրությունն ավելի շատ հետաքրքրված է լիբիական նավթով, քան այդ երկրի ժողովրդի ճակատագրով: Այս մասին հարղորդում է Hurriyet-ի կայքը:
Լուսանկարում Էրդողանը ստանում է Քադաֆֆիի սահմանած մարդու իրավունքների մրցանակը (հոկտեմբեր 2010թ.):
