Մեծ Բրիտանիայի պաշտպանության նախարարությունը ստացել է առաջին արդիականացված Puma HC2 ուղղաթիռը: Այս մասին տեղեկացնում է Flightglobal-ը:
Աշխատանքը կատարում է եվրոպական Eurocopter կոնսորցիումը` 300 մլն ֆունտ ստեռլինգ (485,9 մլն դոլար) արժողությամբ 22 Puma HC1 ուղղաթիռի արդիականացման պայմանագրի շրջանակում: Համաձայնագիրը ստորագրվել էր 2009թ.:
Արդիականացված ուղղաթիռն ունի նոր Turbomeca Makila 1A1 շարժիչ, խցիկն ամբողջովին «ապակեպատ» է, ինչպես նաև հագեցած է պաշտպանության նոր համակարգով` այն զրահապատ է:
Ներկայում ուղղաթիռը գտնվում է Ուիլթշիրի փորձարարական կենտրոնում: Մոտ ապագայում այն կենթարկվի մի շարք փորձարկումների, ինչից հետո միայն կտրվի զորքերին:
Ներկայում Eurocopter-ն արդիականացրել է 3 Puma ուղղաթիռ. մյուս 2-ը բրիտանական ռազմական գերատեսչությանը կհատկացվի մոտ ապագայում:
Արդիականացման շնորհիվ պաշտպանության նախարարությունը նպատակադրվել է երկարաձգել Puma-ների ծառայության ժամկետը մինչև 2012թ.:
Ներկայում մեծ Բրիտանիան ունի 34 Puma HC1 ուղղաթիռ:
