Սերբ թենիսիստ Նովակ Ջոկովիչը մեկնաբանել է իր՝ Խուան-Մարտին դել Պոտրոյի դեմ խաղում տարած հաղթանակը: Նշենք, որ Ջոկովիչը US Open-ի քառորդ եզրափակչում պարտության մատնեց արգենտինացի թենիսիստին 6:2, 7:6 (7:3), 6:4 հաշվով և այժմ սպասում է իսպանացի Դավիդ Ֆերերի հետ խաղին:
«Չնայած նրան, որ հաղթել եմ՝ չեմ կարող ասել, թե հեշտությամբ ինձ տրվեց այդ հաղթանակը: Կորտում շատ փակ պայքար էր: Խուան-Մարտինը մեծ թենիսիստ է: Բարեբախտաբար, ինձ հաջողվեց հաղթել երկրորդ սեթում: Երջանիկ եմ, որ դուրս եկա կիսաեզրափակիչ:
Ֆերերն իսկական մրցակից է. նա ամենակայուն թենիսիստներից մեկն է: Դավիդի հետ խաղերում միշտ պետք է պայքարել ցանկացած գնդակի համար»,- ATP պաշտոնական կայքը մեջբերում է սերբ թենիսիստի խոսքերը: