Ռուսական ВЗГЛЯД թերթի փոխանցմամբ՝ Ադրբեջան այցելած ՆԱՏՕ-ի գլխավոր քարտուղար Անդերս Ֆոգ Ռասմուսենը Ադրբեջանի դիվանագիտական ակադեմիայում ելույթ է ունեցել, որում անդրադարձել է սիրիական ճգնաժամին.
«ՆԱՏՕ-ն ուշադիր հետևում է Սիրիայում ստեղծված իրաիճակին: ՆԱՏՕ-ն մտադիր չէ ռազմական միջամտություն իրականացնել Սիրիայում: Լիբիան և Սիրիան տարբեր դեպքեր են: Լիբիայի պարագայում մենք ունեինք ՄԱԿ-ի հստակ մանդատը և տարածաշրջանի երկրների աջակցությունը, որպեսզի Լիբիայում պաշտպանեինք մարդկանց:
Սիրիան այլ դեպք է: Սիրիայի դեպքում հարցի լուծման լավագույն տարբերակը քաղաքական տարբերակն է: Թուրքիան մեր գործընկերն է, և մենք պատրաստ ենք անհրաժեշտության դեպքում պաշտպանել նրան»:
Հիշեցնենք, որ օրեր առաջ էլ Ռասմուսենը նմանատիպ հայտարարություն էր արել՝ ընդգծելով, որ անհրաժեշտության դեպքում ՆԱՏՕ-ն կպաշտպանի իր անդամ Թուրքիային:
