Ներկայացվող դեպքը կարելի է համարել աշխարհի ամենավատ ամուսնության առաջարկը: Ռուս տղամարդը նկարահանող մի ողջ անձնակազմ է վարձել՝ մահացու վրաերթ բեմադրելու համար: Այդ կերպ նա ցանկացել է պարզել` այն կինը, որին ինքը սիրում է և պատրաստ է ամուսնանալ, որքա՞ն է իրեն սիրում: Այս մասին հաղորդում է Oddity Central-ը:
Ամեն ինչ ավելի քան իրական էր՝ արյուն, ծուխ, վթարված մեքենաներ, ոստիկաններ, շտապօգնության ավտոմեքենաներ…
30-ամյա Ալեքսեյ Բիկովը հենց այդտեղ էլ պետք է հանդիպեր Իրինային: Ժամադրության վայր հասնելով` Իրինան սոսկալի պատկերի ականատեսն է դարձել: Բժիշկները նրան հայտնել են, որ Ալեքսեյը մահացել է, ինչը ստիպել է նրան արտասվել: Այդ պահին Ալեքսեյն արթնացել է ու նրան առաջարկություն արել: Իրինան ընդունել է խելագարի հետ իր կյանքը կապելու առաջարկը:
