Բրիտանական Lonmin ընկերությունը խաղաղ համաձայնագիր է ստորագրել ՀԱՀ-ի Մարիկանայի պլատինե հանքավայրում բողոքի ցույց անցկացնող աշխատակիցների բոլոր արհմիությունների հետ: Այս մասին հայտնում է Reuters-ը` հղում կատարելով COSATU արհմիության ղեկավարին:
«Անցած գիշեր մենք վերջնակապես կնքել ենք համաձայնագիր «Մարիկայանի գնդակահարության» վերաբերյալ»,- հայտարարել է Սդումո Դլամինին` խոսելով ոստիկանների գնադակահարության մասին:
Միակ կազմակերպությունը, որը չի ստորագրել համաձայնագիրը ու մինչ օրս «մարտական է տրամադրված», AMCU-ն է (Association of Mineworkers and Construction Union):
Դրա հետ կապված` չինովնիկները մինչ օրս չգիտեն` քանի աշխատակից կհետևի համաձայնագրին ու կվերադառնա աշխատանքի:
Սեպտեմբերի 4-ին ավելի քան 3000 հանքափորներ դուրս էին եկել երթի հանքահորի տարածքում: Այդ ակցիան ամենազանգվածայինն էր անցած ամսվա գնդակահարությունից հետո:
Օգոստոսի կեսին շուրջ 3000 բանվոր կասեցրեց աշխատանքը Մարիկանա հանքում ու գործադուլ հայտարարեց` պահաջելով կրկնակի ավելացնել աշխատավարձերը:
Lonmin ընկերությունը սպառնացել էր աշխատանքից ազատել բոլորին, եթե չվերսկսեն աշխատանքը: Մի քանի օր անց ոստիկանները կրակ բացեցին, ինչի հետևանքով զոհվեց շուրջ 40 հանքափոր ու ևս 100-ը` վիրավորվեց:
ՀԱՀ-ի իշխանությունների պահանջից հետո Lonmin-ը հրաժարվեց աշխատակիցներին աշխատանքից հեռացնելու իր ծրագրերից:
