Քաթարի մայրաքաղաք Դոհայում ընթացող կանանց գրան պրի մրցաշարի վերջին 6-րդ փուլի երրորդ տուրում Հայաստանի երկրորդ շախմատիստուհի Էլինա Դանիելյանը սև ֆիգուրներով առավելության հասավ Մոնղոլիայի ներկայացուցիչ Բութայագ Մոնգունթուլի նկատմամբ և այժմ վաստակած 3 միավորով միանձնյա գլխավորում է մրցաշարային աղյուսակը:
Հայաստանը ներկայացնող մյուս շախմատիստուհի Լիլիթ Մկրտչյանը ոչ-ոքի խաղաց ֆրանսուհի Մարի Սեբայի հետ և իր ակտիվում ունի մեկ միավոր:
Անսպասելի պարտություն կրեց ՖԻԴԵ-ի համաշախարհային վարկանիշային աղյուսակի 6-րդ հորիզոնականը զբաղեցնող Նանա Ձագնիձեն, ով մինչ այս տուրը Էլինա Դանիելյանի հետ գլխավորում էր մրցաշարային աղյուսակը: Վրացուհին զիջեց իրենից կարգով շատավելի ցածր Էկվադորցի Մարթա Ֆիերոյին:
Երրորդ տուրի մյուս պարտիաներում գրանցվեցին հետևյալ արդյունքները.
Մայա Չիբուրդանիձե – Յուհուա Քսյու 1:0
Պիա Կրամլինգ – Համպի Կոներու 1/2
Անտոանետա Ստեֆանովա – Չեն Զհու 0:1
Երրորդ տուրից հետո մրցաշարային աղյուսակն ունի հետևյալ տեսքը.
1. Էլինա Դանիելյան 3 մ.
2. Նանա Ձագնիձե 2 մ.
3. Մարթա Ֆիերո 2 մ.
4. Համպի Կոներու 1.5 մ.
5. Մարի Սեբա 1.5 մ.
6. Պիա Կրամլինգ 1.5 մ.
7. Չեն Զհու 1.5 մ.
8. Մայա Չիբուրդանիձե 1 մ.
9. Լիլիթ Մկրտչյան 1 մ.
10. Յուհուա Քսյու 1 մ.
11. Անտոանետա Ստեֆանովա 1 մ.
12. Բութայագ Մոնգունթուլ 1 մ.: