Ավելի քան 37 մարդ է տուժել Ֆիլիպինների կրկեսում` ներկայացման ժամանակ տեղի ունեցած նռնակի պայթյունի հետևանքով: Այս մասին հաղորդում է Associated Press-ը:
Դեպքը տեղի է ունեցել այս գիշեր` արշիպելագի հարավային Դավաո քաղաքում: Ոստիկանության նախնական տվյալներով` նռնակը պայթեցնողի թիրախում կրկեսի սրահը հսկող զինծառայողներն էին:
Տուժածներին ցուցաբերվել է շտապ բուժօգնություն, մի քանի մարդ հոսպիտալացվել է: Առավոտյան ստացված տվյալներով` տուժածներից 3-ի վիճակը ծայրահեղ ծանր է:
Դեռևս հայտնի չէ, թե ով է կանգնած պայթյունի ետևում:
Ֆիլիպինների հարավում արդեն ավելի քան 40 տարի է` շարունակվում է կառավարական ուժերի պայքարը մուսուլման ապստամբների և հենց միմյանց դեմ: Այն արդեն ավելի քան 150 հազար մարդու կյանք է խլել, 2 միլիոն մարդ մնացել է առանց տանիքի:
