«Կուբան»-ի պաշտոնական կայքը հաղորդում է, որ ակումբի ղեկավարությունը, մարզչական անձնակազմն ու ֆուտբոլիստները, որոնց թվում են եղել նաև Արազ Օզբիլիսն ու Մարկոս Պիզելին, ակումբի մարզաբազայում հանդիպել են թիմի վետերաններին:
Ակումբի վետերան ֆուտբոլիստները եղել են հետևյալ կազմով՝ Ալեքսանդր Պլոշնիկ, Վլադիմիր Լագոյդա, Համզա Բագապովա, Ալեքսանդր Բագապովա, Եվգենի Բուզնիկին, Սերգեյ Անդրեյչենկո, Վլադիմիր Պոդոբեդով, Վիտալի Ֆուրսա, Յուրի Չեբոտրայով, Գեորգի Պանայիոդիտի, Ստանիսլավ Լիսենկո, Խարլամպիյ Իլիադի և Անդրեյ Նեմիկին:
«Մեր ակումբի վետերանների հետ հանդիպումները մշտական են դարձել: Մենք պետք է միշտ շփում ունենանք՝ ակումբի հետագա ծրագրերը քննարկելու համար: Մեր վետերանները շատ բան են տվել «Կուբան»-ին՝ պատմության մեջ գրելով ակումբի փառահեղ էջը, ձևավորելով թիմի փիլիսոփայությունը»,- ասել է Մկրտչյանը:
