Իրանի զինված ուժերի գլխավոր շտաբի հրամանատար, գեներալ Հասան Ֆիրուզաբադին հայտարարել է, որ դատական հայց է ներկայացնելու ԱՄՆ կառավարության դեմ: Պատճառն այն է, որ ամերիկյան կողմը նրան ներառել է այն անձանց ցուցակում, որոնց մուտքն ԱՄՆ տարածք արգելված է: Այս մասին հաղորդում է APA.az-ը:
«ԱՄՆ-ն մարդուն հետապնդում է մարդասիրական և ազգային շահերին ծառայելու համար: Ես մասնագիտությամբ բժիշկ եմ և երկար տարիներ անցկացրել եմ գիտական հետազոտությունների և խաղաղության հասնելու ջանքերի վրա,- հայտարարել է Ֆիրուզաբադին։- ԱՄՆ-ն պետք է պատասխան տա նման անարդար և անհիմն գործողությունների համար»:
Անցած դեկտեմբերին ԱՄՆ ֆինանսների նախարարությունը Ֆիրուզաբադիին և Իսլամական հեղափոխության պահակազորի ցամաքային զորքերի փոխհրամանատար, գեներալ Աբդոլլա Արագիի ներառել էր Իրանի քաղաքացիների սև ցուցակում, որոնց վրա տարածվում են ԱՄՆ կառավարության պատժամիջոցները:
Նրանց մուտքն ԱՄՆ արգելվել է, իսկ ամերիկյան բանկերում պահվող նրանց ակտիվները` սառեցվել:
