Facebook սոցիալական ցանցի համահիմնադիր Դասթին Մոսկովիցը վաճառել է ընկերության մոտ 900 հազար բաժնետոմսեր` 17.53 միլիոն դոլար ընդհանուր արժողությամբ: Այս մասին տեղեկացնում է ԱՄՆ Արժեթղթերի և բորսաների հանձնաժողովը (SEC):
Օգոստոսի 17-21-ն ընկած ժամանակահատվածում Մոսկովիցը վաճառել է 450 հազար բաժնետոմս 8.83 միլիոն դոլարով: Չորեքշաբթի օրվանից մինչ ուրբաթ նա համանման գործարք է կատարել, սակայն թանկարժեք փաստաթղթերի գների նվազման հետևանքով բաժնետոմսերի դիմաց ստացել է 8.7 միլիոն դոլար:
Դասթին Մոսկովիցը Facebook սոցիալական կայքի առաջին տեխնիկական տնօրենն է եղել: Նրան են պատկանում Facebook-ի A դասի 6.6 միլիոն բաժնետոմսեր և B դասի մոտ 126.2 միլիոն թանկարժեք փաստաթղթեր:
Հիշեցնենք, որ ավելի վաղ PayPal-ի հիմնադիր և Facebook-ի ամենավաղ ներդրողներից մեկը` Փիթեր Թիլը, 400 միլիոն դոլարով վաճառել էր սոցիալական ցանցի 20.1 միլիոն բաժնետոմսեր:
