Ինչպես հաղորդում է ՀՀ կրթության և գիտության նախարարության լրատվական բաժինը, փետրվարի 18-ին մեկնարկած հանրակրթական ուսումնական հաստատության ղեկավարման իրավունքի (հավաստագրի) համար հավակնորդների քննության հայտագրված 25 հավակնորդներից քննությանը մասնակցել են 24 -ը:
Մասնակիցներից 9-ը չեն հաղթահարել գրավոր (թեստային) փուլը, իսկ 100 տոկոսանոց արդյունք է ցուցաբերել 2 հավակնորդ:
Նշենք, որ քննությունը չհաղթահարած մասնակիցները հետագայում կարող են դիմել մայիսին անցկացվելիք քննություններին մասնակցելու հայտով և նորից փորձել իրենց ուժերը:
Տեղեկացնենք, որ հանրակրթական ուսումնական հաստատության ղեկավարման իրավունք (հավաստագիր) ստանալու համար անցկացվող քննությունները կշարունակվեն 2011 թվականի փետրվարի 23-ին, 25-ին, մարտի 2-ին, 4-ին, 9-ին, 11-ին, 16-ին, 18-ին, 22-ին, 23-ին, 25-ին, 29-ին, 30-ին և ապրիլի 1-ին:
