Սեպտեմբերին Իտալիայում կսկսվեն ամուսնալուծությունների գործընթացների 30%-ը: Այս մասին հաղորդում է La Repubblica թերթը:
«Ծով, արև, կիսադատարկ լողափ… Հիշողություններ 11 ամսվա խիստ ռեժիմի, ատելի ղեկավարի, երեխաների, որոնց պետք է դպրոցից տուն տանել և ինչ-որ այլ պարապմունքների ևս հասցնել…
Օգոստոս. զբոսանքների, երաժշտության, հաստափոր գրքերի, որոնք կարդալ այդպես էլ չի ստացվում, ծովափին ընթրիքի ժամանակն է: Սակայն պարզվում է, որ օգոստոսին ամուսնական զույգերը երեք անգամ ավելի հաճախ են բաժանվում: Երկու հանգիստ միասին չեն կարող գոյատևել»,- գրում է պարբերականը:
Նման ենթադրության են եկել իտալացի փաստաբանները, որոնք մասնագիտանում են ամուսնալուծությունների գծով:
«Արձակուրդի ժամանակ այնպիսի պահեր են գալիս, որոնց մասին ամուսինները նույնիսկ չեն էլ կասկածել ամբողջ տարվա ընթացքում, երբ նրանք երկուսն էլ աշխատում են, և նրանց զուգահեռները գրեթե չեն հատվում: Դրա հետ մեկտեղ մեկը կամ երկուսն էլ արտաամուսնական կապ կարող են ունենալ: Ամեն ինչ թողնել, որպեսզի օրերը վատնել «տհաճ» ամուսնու կամ կնոջ հետ. սա կարող է անտանելի լինել»,- նշում են փաստաբանները:
Ամուսնալուծությունների պատճառ կարող է հանդիսանալ նաև բնակչության չափազանց փոքր վայրը, որտեղ անձնական տարածքներ չկան ամուսիններից յուրաքանչյուրի համար: Խնդիր է նաև, երբ ամուսիններից մեկը մյուսին պարտադրում է հանգստի վայրը: Թշնամական վերաբերմունքը հակամարտության է բերում, հատկապես երբ հանգստի ժամանակ ինչ-որ մեղքեր են ջրի երես դուրս գալիս:
Փաստաբանները պնդում են, որ տնտեսական ճգնաժամը ևս անդրադառնում է ամուսնալուծությունների աճի վրա:
