Գերմանական այս ավանդական առաջնությունն անցկացվում է ամեն տարի: Այս անգամ մրցաշարի եզրափակիչ էին դուրս եկել Բրեմենի «Վերդեր»-ն ու Դորտմունդի «Բորուսիա»-ն: Այս խաղում կարելի էր ունենալ բազմապիսի զգացողություններ՝ ցավ, ուրախություն, երջանկություն, ափսոսանք: Սակայն, չնայած այս ամենին, հանդիպումը նաև շատ հետաքրքիր էր:
Խաղի հաշիվն առաջինը բացեցին «Վերդեր»-ի ֆուտբոլիստները՝ դեռևս 5-րդ րոպեին գրավելով մրցակցի դարպասը: Չանցած երկու րոպե՝ «Վերդեր»-ի ֆուտբոլիստները երկրորդ գնդակն ուղարկեցին «Դորտմունդ»-ի դարպասը՝ հաշիվը դարձնելով 0-2: Թվում էր՝ ամեն ինչ ավարտված է Բորուսիայի համար, սակայն… 22-րդ րոպեին հաշիվը կրճատեց Ռեուսը, 24-րդ րոպեին հաշիվը հավասարեցրեց Լևանդովսկին, 25-րդ րոպեին Լևանդովսկին խփեց իր երկրորդ գնդակը, երրորդը՝ թիմի համար: 0-2 հաշվով պարտվելուց հետո «Դորտմունդ»-ը վերակենդանացավ: Խաղի առաջին 25 րոպեի ընթացքում արդեն 5 գոլ, իրոք, ապշեցուցիչ է: Սա իսկական հրաշք էր ֆուտբոլասերի համար՝ համոզվելու, որ անհնարին ոչինչ չկա, հատկապես՝ ֆուտբոլում:
Սակայն սա դեռ վերջը չէր. երկրորդ խաղակեսի 4-րդ րոպեին «Բորուսիա»-ի դարպասին նշանակվեց 11-մետրանոց հարված: Գնդակին մոտեցավ Հանթն ու դիպուկ իրացնելով՝ հավասարեցրեց հաշիվը՝ 3-3: Հիմնական խաղաժամանակն այդպես էլ ավարտվեց: Ավելացված ժամանակում թիմերից և ոչ մեկին հաջողությունը չուղեկցեց: Հերթն արդեն 11-մետրանոց հարվածաշարինն էր: Այս մրցությունում «Վերդեր»-ն ավելի ուժեղ գտնվեց՝ հաղթելով 5-4 հաշվով:
11-մետրանոց հարվածները.
http://www.youtube.com/watch?v=kYawmdNoQZ8&feature=player_embedded
