ՄԱԿ-ը շաբաթ օրը հայտարարել է, որ պատրաստ է հումանիտար օգնություն ցուցաբերել Տաջիկստանի Լեռնային Բադախշյան ինքնավար շրջանին, որտեղ իշխանությունները հատուկ օպերացիա են իրականացնում հանցագործների մի խմբի վնասազերծելու համար: Վերջինիս վրա էր դրված գեներալ Աբդուլո Նազարովի սպանության պատասխանատվությունը:
ՄԱԿ-ը Տաջիկստանի իշխանություններին կոչ է արել անհրաժեշտ միջոցներ ձեռք առնել հանրապետության արևելքում բնակվող քաղաքացիների կյանքը և իրավունքները պաշտպանելու համար: Կազմակերպությունը նաև բոլոր շահագրգիռ կողմերին կոչ է անում զսպվածություն ցուցաբերել:
«ՄԱԿ-ը պատրաստ է իր ներդրումն ունենալ հումանիտար օգնության հատկացման հարցում»,- նշվում է հայտարարության մեջ:
Ավելի վաղ Եվրոպական միությունը Տաջիկստանի իշխանություններին կոչ էր արել միջանցք բացել` ինքնավար շրջանի բնակչությանը հումանիտար օգնություն հասցնելու համար: