Գերմանիայի հատուկ ծառայությունների հաջող աշխատանքների արդյունքում անցյալ տարի բացահայտվել էր «Ալ-Քաիդա»-ի ավելի քան 100 փաստաթուղթ, որոնք ցուցումներ էին պարունակում Եվրոպայում արյունալի ահաբեկչություններ իրականացնելու մասին: Այդ նյութերը ծածկված են եղել պոռնոֆիլմերով, որոնք մաքսանենգ ճանապարհով Պակիստանից երկիր էր մտցրել Ավստրիայի քաղաքացի Մակսուդ Լոդինը,- հաղորդում է CNN-ը:
Լոդինը Գերմանիայի ոստիկանության կողմից ձերբակալվել և հարցաքնննվել էր 2011 թ. մայիսի 16-ի՝ պոռնոգրաֆիայի տարածման կասկածանքով: Խուզարկության ժամանակ նրա մոտ հայտնաբերվել էին պոռնոգրաֆիկ ֆիլմերով տեղեկատվության էլեկտրոնային կրիչներ, հիշողության քարտեր:
Հիշողության քարտերի վրա եղել է Kick As և Sexy Tanja անուներով ֆայլեր: Նշենք, որ Kick As վերնագրով մեկ այլ՝ միանգամայն անմեղ ֆիլմ կա նկարահանված: Այնպես որ, կամ ոչ բոլոր ֆիլմերն են պոռնոգրաֆիկ բնույթի եղել, կամ էլ նման վերնագրով պոռնոֆիլմ կա նկարահանված:
Ոստիկաններին զարմացրել է այն փաստը, որ ընդամենը մի քանի րոպե տևականությամբ հոլովակները զբաղեցրել են կրիչների ամբողջ հիշողությունը, ընդ որում՝ հոլովակների որակը սովորականից վատ է եղել:
Գերմանիայի հատուկ ծառայությունները մի քանի շաբաթ աշխատել են առգրավված նյութերի վրա և պարզել են, որ պոռնոֆիլմերի տակ թաքցրած է ավելի քան 100 փաստաթուղթ, որոնք ցուցումներ են պարունակում Եվրոպայում ահաբեկչություններ իրականացնելու վերաբերյալ: Ֆայլը պատրաստվել է «Ալ-Քաիդա»-ի ահաբեկիչների կողմից:
Այդ տեղեկություններից երևում է, որ նախատեսվում էր հարձակումներ իրականցնել «Մումբաիի «Թրիդենթ» հյուրանոցի ահաբեկչության ոճով: Հիշեցնենք. 2008 թ. նոյեմբերի 26-ին 10 պակիստանցի ահաբեկիչներ գրավեցին հյուրանոցը՝ սպանելով 164 մարդու:
Փաստաթղթերից երևում է, որ «Ալ-Քաիդա»-ն նաև պատրաստվում էր գրավել դեռ գոյութրուն չունեցող, բայց չինացիների կողմից պատվիրված «Տիտանիկ-2»-ը: Դա ծրագրելիս հաշվի էր առնվել, որ նավի շինարարաության ավարտին արդեն մեծ թվով զինյալներ կլինեին բանտերում, և նրանց փոխանակելու համար ավելի շատ պատրանդների կարիք կլիներ:
Ամերիկյան հատուկ ծառայությունների ներկայացուցչի խոսքերով՝ հայտնաբերված փաստաթղթերն անհնար է գնահատել: «Դա մաքուր ոսկի է»,- նրա խոսքերը մեջբերում է CNN-ը:
Մակսուդ Լոդինը և նրա հետ համագործակցած Յասին Օչակը դատարանի առաջ կկանգնեն ահաբեկչական գործողությունների մասնակցելու մեղադրանքով: Իշխանությունները կասկածներ ունեն, որ նրանք վերապատրաստվել են թալիբների բազաներում և Եվրոպա են ժամանել համախոհներ հավաքագրելու համար:
