2010 թ. ընթացքում միջին ամսական անվանական աշխատավարձը կազմել է 108 հազար 852 դրամ: Այս մասին ասվում է Ազգային վիճակագրական ծառայության այսօր տարածած հաղորդագրությունում: 2009թ. համեմատ, միջին ամսական աշխատավարձը 2010-ին աճել է 6.7%-ով: Նշենք, որ միջին գնաճը 2010թ. կազմել է 8.2%, իսկ տասներկուամսյա գնաճը` 9.4%: Այսինքն` իրական աշխատավարձը 2010թ., 2009թ. համեմատ, նվազել է: Նշենք նաև, որ վերջին 13 տարիների ընթացքում առաջին անգամ է, որ իրական միջին ամսական աշխատավարձը նվազում է: