Երկու մարդ է զոհվել և մեկը վիրավորվել այն բանից հետո, երբ 17-ամյա եիտասարդը կրակ է բացել Նեբրասկա նահանգի Օմահա քաղաքի դպրոցներից մեկում: Այս մասին ահղորդում է Associated Press գործակալությունը: Միջադեպը տեղի է ունեցել Millard High School դպրոցում: Ավելի ուշ պարզվել է, որ կրակողը տեղի ոստիկանության ղեկավարի 17-ամյա որդին է, որի դին ավելի ուշ հայտանբերվել է դպրոցի կողքը կայանած մեքենայի մեջ: Սպանվածների մեջ է դպրոցի փոխտնօրենը, իսկ տնօրենը գտնվում է ծանր վիճակում:
Ավելի ուշ հայտնաբերվել է, որ իր հանցագործության մասին Ռոբերտ Բաթլերը գրել է Facebook սոցիալական ցանցում. «Ով ինձ ճանաչում է, ես նրանցից ներողություն եմ խնդրում, բայց Օմահան ինձ փոխել է, իսկ դպրոցը, որտեղ ես սովորում եմ, առավել ևս: Դուք կլսեք այն չարիքի մասին, որ ես կգործեմ, սակայն այդ քայլին ինձ այս դպրոցն է հասցրել: Ես ցանկանում եմ, որ դուք ինձ հիշեք այնպես, ինչպիսին ես մինչև այդ էի (մինչև հանցագործություն կատարելը – 1in.am)»: Այնուհետև պատանի հանցագոծը գրում է, որ ազդելու է տարբեր ընտանիքների ճակատագրերի վրա և ցավում է դրա համար:
