Առաջիկա ժամերին ինչպես հանրապետության արևմտյան կեսում, այնպես էլ Երևանում, տեղումները պետք է դադարեն։ Օրվա երկրորդ կեսին և երեկոյան տեղումները կպահպանվեն միայն Վայոց ձորում ու Սյունիքում։
Այս մասին «Առաջին լրատվական»-ի հետ զրույցում հայտնեց ՀՀ արտակարգ իրավիճակների նախարարության «հայպետհիդրոմետ» ծառայության օդերևութաբանական բաժնի պետ Գագիկ Սուրենյանցը։
Նրա խոսքով՝ երեկոյան ժամերին արդեն հանրապետությունում եղանակը կպարզվի ու ամենուրեք կդիտվի առանց տեղումների եղանակ։
«Կանխատեսվում է՝ հանրապետությունում ջերմաստիճանը գիշերը կնվազի 10-12 աստիճանով, որովհետև և՛ եղանակի պարզեցումը, և՛ արկտիկական օդի բուռն ներհոսքը նման ցածր ջերմաստիճանի կհանգեցնեն»,- հավելեց Գ. Սուրենյանցը։
