Այսօր Հայաստանում դեղարտադրության և ներկրման ներկայացուցիչները մամուլի ասուլիս էին հրավիրել: Հյուրերից մեկը ասուլիսին ներկայացավ ուշացմամբ` պատճառաբանելով, թե ինքը մեղավոր չէ, այլ նախագահն է մեղավոր, քանի որ նախագահն է փակել ճանապարհը: Կոլեգաներից մեկը, հավանաբար վախեցած լինելով վերջին պաշտոնանկություններից, շտապեց ավելացնել, թե քանի որ նախագահը ոչ մի դեպքում մեղավոր չի կարող լինել, ապա ոչ ոք մեղավոր չէ: Ինչևէ, այսօր հրավիրված մամլո ասուլիսին նրանք տեղեկացրին, որ առաջիկայում հայկական դեղերը կարտահանվեն միջազգային շուկա՝ ավելացնելով սակայն, որ դեղորայքը 8-50 տոկոսով արտահանվում է ԱՊՀ երկրներ`Բելառուս, Ռուսաստան,Վրաստան և այլն: Արձագանքելով մեր հարցին՝ նրանք չցանկացան նշել, թե կոնկրետ որ դեղամիջոցներով են գրավելու հայկական շուկան, քանի դա էթիկայի կանոններին դեմ էր, բացի այդ՝ ունենք դեղ արտադրող 14 կազմակերպություն: Դեղ արտադրողների և ներմուծողների միության գործադիր տնօրեն Սամվել Զաքարյանը ոչ ոքի չառանձնացրեց և ասաց միայն, որ դրանք հիմնականում գենետիկ դեղերն են: Իսկ հայկական դեղագործական ասոցացիայի նախագահ Ղուկաս Ուլիխանյանը ավելացրեց, որ Հայաստանից արտահանվում են հիմնականում հոգեմետ դեղեր, սրվակներ և հաբեր:
