Առաջիկա հինգ տարիներին Եվրամիության կողմից Հայաստանին հատկացվող 2,6 միլիարդ եվրո աջակցության փաթեթը կարող է հանգեցնել երկնիշ տնտեսական աճի։ Այս մասին հայտարարել է էկոնոմիկայի նախարար Վահան Քերոբյանը։
Տնտեսագետ Արմեն Քթոյանը «Առաջին լրատվական»-ի հետ զրույցում անդրադառնալով Էկոնոմիկայի նախարարի հայտարարությանը նկատեց, որ նախարարի կանխատեսման մասին կարելի է խոսել, եթե կոնկրետացվեր,թե ինչ ծրագրով են ապահովելու երկնիշ տնտեսական աճը:
Ըստ տնտեսագետի՝ չպետք է կենտրոնանալ երկնիշ տնտեսական աճի վրա․ «Մեր խնդիրը պետք է լինի ոչ թե երկնիշ տնտեսական աճը, այլ ճիշտ տնտեսական կառուցվածք ձևավորել:Երկնիշ տնտեսական աճը լավ է, բայց ինչի հաշվին է այն լինելու: Այսօր մենք շատ ոլորտներում ունենք չօգտագործված ռեսուրսներ»: