Moody’s հեղինակավոր միջազգային վարկանիշային գործակալությունը բարձրացրել է IDBank–ի «Երկարաժամկետ տեղական և արտարժույթով ավանդների» վարկանիշը՝ B3-ից B2․ հեռանկարը՝ կայուն։
Գործակալությունը փոփոխել է նաև երկարաժամկետ գործընկերային ռիսկերի գնահատման (CRR) վարկանիշը՝ B2-ից բարձրացնելով B1-ի։ Բանկի վարկարժանության հիմնական գնահատականը (BCA)՝ B2 է, իսկ երկարաժամկետ գործընկերային ռիսկերի գնահատականը՝ B1(cr)։
IDBank-ի ֆինանսական տնօրեն Արման Ասատրյանի խոսքով նման գնահատականի հիմք է հանդիսացել Բանկի վարկային պորտֆելի բարելավումը, ընդհանուր կայունությունն ու իրացվելիության բարձր մակարդակը։
«Այսպիսով, ըստ Moody’s-ի գնահատականի, ռիսկերի նվազման ֆոնին Բանկն ունի զարգացման կայուն հեռանկար։ Դա նշանակում է, որ առաջիկայում IDBank-ը կշարունակի մնալ բավականաչափ իրացվելի և ըստ մեր կանխատեսումների կունենա կայուն աճ», – ասել է Արման Ասատրյանը։
