ԵԱՀԿ գործող նախագահ, Շվեյցարիայի արտգործնախարար Դիդիե Բուրկհալտերը կարծում է, որ Արևելյան Ուկրաինայում իշխանության և ընդդիմության միջև ճգնաժամը հարկավոր է կարգավորել դիվանագիտական ճանապարհով, հայտնում է ITAR-TASS-ը:
«Բոլոր կողմերը պետք է գիտակցեն, որ քարտեզին դրված հարցերը պետք է լուծվեն ոչ թե բռնության, այլ դեմոկրատական ու իրավական դաշտում, որպեսզի այդ որոշումները լինեն երկարատև ու հաստատուն»,- ասել է նա այսօր հրապարակված հայտարարության մեջ:
Մեկնաբանելով Դոնեցկի մարզի Սլավյանսկ քաղաքում տեղի ունեցած դեպքերը, որտեղ, ըստ ԵԱՀԿ դիտորդների, «լարված իրավիճակը կարող է զարգանալ ռիսկային ուղղությամբ», Բուրկհալտերը կոչ է արել բոլորին՝ «զերծ մնալ գործողություններից, որոնք կարող են հանգեցնել լարվածության աճին և իրադարձությունների չվերահսկվող դինամիկայի»:
Նա դիմել է նաև բողոքի ակցիայի մասնակիցներին՝ նրանց ուշադրությունը հրավիրելով այն բանին, որ «հարկավոր է հարգել պետական միապետությունը»:
Միաժամանակ նա նշել է, որ իրավապահ մարմինները պետք է ապահովեն հավասարակշռված ու ադեկվատ պատասխան:
