Այսօր՝ ապրիլի 18-ին, Ազգային ժողովում քվեարկության դրվեց ֆինանսների նախարար Ատոմ Ջանջուղազյանի հարցը վարչապետի քննարկմանն առաջարկելու ԱԺ որոշման նախագիծ ընդունելու հարցը:
«Ես կարծում եմ, որ պարոն Ջանջուղազյանը պետք է այստեղ նստած լիներ, որովհետև հարցը իրեն էր վերաբերում, և նրա չգալը նույնպես վերաբերմունք է խորհրդարանին: Մենք շարունակում ենք մեր պնդումը, և սա զգուշացում է բոլոր նախարարներին: Մենք պնդում ենք պարոն Ջանջուղազյանի պաշտոնանկության հարցը»,- ասաց «Լուսավոր Հայաստան» խմբակցության ղեկավար Էդմոն Մարուքյանը:
Ինչպես հայտարարեց «Բարգավաճ Հայաստան» խմբակցության պատգամավոր Միքայել Մելքումյանը՝ իրենց խմբակցությունը կողմ է այս նախագծին:
«Իմ քայլը» խմբակցության ղեկավար Լիլիթ Մակունցն էլ հայտարարեց, որ մեկ հանդիպումը բավարար չէ նման նախագծին կողմ քվեարկելու համար, ուստի իրենք դեմ են քվեարկելու:
Մանրամասները՝ տեսանյութում: