Բրիտանացի բժիշկների կարծիքով՝ զուգարանի թուղթը՝ որպես դեֆեքացիայից հետո մարմինը մաքրելու համար միակ միջոց, հարմար չէ մշտական օգտագործման համար: Այս մասին գրում է MedDaily-ն:
Հետազոտությունները ցույց են տվել, որ զուգարանի թղթի օգտագործումը հաճախ է հանգեցնում տարբեր հիվանդությունների ձեռքբերմանը։ Ամենից հաճախ դա պայմանավորված է նրանով, որ զուգարանի թուղթը հնարավորություն չի տալիս ամբողջովին մաքրելու արտաթորանքի հետքերը, ինչը հանգեցնում է երբեմն ախտածին մանրէների տարածմանը, միզուղիների բորբոքմանը։ Չոր թղթով մաքրելը աղիքային ճաքեր՝ թութք կարող է առաջացնել։
Բացի դրանից, զուգարանի թուղթը կարող է պարունակել քիմիական հավելումներ, որոնց ազդեցությունը օրգանիզմի վրա անկանխատեսելի է։ Գիտնականների կարծիքով՝ այդ միացությունները կարող են քաղցկեղի առաջացման պատճառ դառնալ։
Բժիշկները խորհուրդ են տալիս հրաժարվել զուգարանի թղթից՝ դրա փոխարեն լվացումներ անելով կամ թաց անձեռոցիկ օգտագործելով։
