8 քաշային կարգերում աշխարհի նախկին չեմպիոն Մենի Պակիաոն պետք է 18 մլն 313 հազար 668 ԱՄՆ դոլարի չափով հարկ վճարի: Այդ մասին հայտնում է tmz. com-ը:
2008 թվականին 34-ամյա բռնցքամարտիկը խնդիրներ է ունեցել Ֆիլիպինների հարկային մարմինների հետ, ովքեր սառեցրել են նրա` 50 մլն դոլարի չափով հաշիվները: Այժմ նաև ամերիկացիներն ենհայտնում, որ բռնցքամարտիկը խուսափել է հարկեր վճարել: ԱՄՆ-ի հարկային ծառայության տեղեկությունների համաձայն` մարզիկը խուսափել է հարկերից 2006-2010 թվականներին: Պակիաոյի պարտքերը հետևյալն են`
2006թ. – 1 մլն 160 հազար 324,30 ԱՄՆ դոլար
2007թ. – 2 մլն 35 հազար 992, 50
2008թ. – 2 մլն 862 հազար 437,11
2009թ. – 8 մլն 22 հազար 915,87
2010թ. – 4 մլն 231 հազար 999,01
2008 թվականին Պակիաոն երեք մենամարտ է անցկացրել` վաստակելով 15-30 մլն դոլար: 2009-ին նա ևս երկու աղմկալի մենամարտեր է անցկացրել, սակայն չվճարված հարկերը նախորդ տարվա համեմատությամբ զգալի ավելացել են:
