Թիվ 19 պոլիկլինիկայում, ինչպես միշտ, ամեն ինչ փաստաթղթերով հիմնավորված է: Այս մասին լրագրողների հետ զրույցում ասաց Երևանի ավագանու «Ելք» խմբակցության անդամ Դավիթ Խաժակյանը: Նա շնորհակալություն հայտնեց պարոն Սարգսյանին, ով պատրաստակամորեն պատասխանեց իրենց հարցերին: «Այն մասով, որը պետք է հերքեր՝ հերքեց, մնացածը կպարզի դատախազությունը»,- նշեց նա:
Հարցին՝ ի՞նչ հանցագործության մասին է լինելու խոսքը, Դավիթ Խաժակյանն ասաց. «Մեկը ինձ համար և անվիճարկելին մամոգրաֆիայի սարքի հետ կապված հարցն է, որը վերաբերում է ոչ թե սարքի աշխատել-չաշխատելուն, այլ այն վճարումներին, որ իրականացվում են, բայց ծառայություն փաստացի չի մատուցվում»:
Դավիթ Խաժակյանը վստահեցրեց, որ իրենք իրականացնում են ավագանու անդամի իրենց լիազորությունները, այն է՝ վերահսկողություն. «Այդ վերահսկողությունը չի կարող էֆեկտիվ լինել, եթե մենք տեղում չգանք և այդ հսկողությունը մեր լիազորությունների շրջանակում չկատարենք»:
Մանրամասները՝ տեսանյութում:
