«Բավականին երկար տարիներ զբաղվում եմ ջերմոցային տնտեսությամբ, չեմ հիշում, որ այս տարվա նման լուրջ դժվարություններ ստեղծված լինեն ջերմոցային մշակությունը կազմակերպելու համար: Նկատի ունեմ այս տարվա սառնամանիքն ու ցուրտը, նաև գազի բարձր սակագներն ու ցածր որակը: Ջերմոցները ջեռուցվել են և՛ ցերեկային, և՛ գիշերային ժամերին, ինչը ֆինանսական լուրջ խնդիրներ է առաջացրել»: Այս մասին «Առաջին լրատվական»- ի հետ զրույցում ասաց ֆերմեր Գագիկ Բաբախանյանը՝ հավելելով, որ միայն հունվար ամսվա համար իր ջերմոցների ջեռուցման ծախսը կազմել է 1 մլն 300 հազ. դրամ:
«Գազի հաշվիչների վրա չգիտեմ ինչ «ճշտիչներ» են տեղադրել, որը գործակիցներ է ավելացնում, այսինքն՝ մեխանիկորեն բարձրացնում է ծախսը: Այնպես որ գազի գնի նվազումը իրականությանը չի համապատասխանում»,- նշեց ֆերմերը և ընդգծեց, որ գազի գինը որքան բարձրանում է, այնքան որակն ընկնում է:
Մանրամասները՝ տեսանյութում:
