Ռուսաստանի Պրեմիեր Լիգայի 6-րդ տուրում Մոսկվայի «Սպարտակ»-ը հյուրընկալվել էր Պերմի «Ամկար»-ին: Մեկնարկային կազմում դաշտ դուրս եկան Յուրա Մովսիսյանն ու Արազ Օզբիլիսը:
«Ամկար»-ը, ի զարմանս շատերի, բավականին ակտիվ խաղ ցուցադրեց ու արժանիորեն բացեց խաղի հաշիվը` առաջին խաղակեսն ավարտելով հաղթանակով:
Երկրորդ կեսի հենց սկզբնամասում Յուրա Մովսիսյանն ու Արազ Օզբիլիսը նախաձեռնեցին գրոհ, որի վերջակետը դրեց Պավել Յակովլևը: Յուրան դարձավ գոլային փոխանցման հեղինակ:
Շատ չանցած Մովսիսյանին փոխարինեց Լուկաս Բարիոսը: Դա խաղի 59-րդ րոպեն էր:
67-րդ րոպեին «Ամկար»-ը հերթական անգամ գրավեց «Սպարտակ»-ի դարպասը` օգտվելով պաշտպանության կոպիտ սխալից ու մոսկովյան թիմի անպատասխանատու խաղից: Ինչպես պարզվեց ավելի ուշ, սա խաղի վերջին գոլն էր:
«Սպարտակ»-ը առաջին պարտությունն է կրում այս առաջնությունում: 6 տուրից հետո «Սպարտակ»-ն իր ակտիվում ունի 11 միավոր:
«Ամկար» – «Սպարտակ»` 2:1
1:0 Պեև (17′), 1:1 Յակովլև (49′), 2:1 Յակուբո (67’)
Հեռացում` Ինսաուրալդե (87′)
