«Մեծ կողպեքը դնում են, գործարանը ճանաչում են սնանկ, պահեստ են դարձնում»: «Առաջին լրատվական»- ի հետ զրույցում այս մասին ասաց «Նաիրիտ» գործարանի նախկին աշխատակիցը:
Նաիրիտցիներն այսօր բողոքի ակցիա են իրականացնում Կառավարության շենքի դիմաց:
«Նաիրիտ» գործարանի համակարգող խմբի անդամ Կարինե Շահվերդյանը նշեց, որ իրենք տեղյակ չեն եղել դատական նիստի օրվա մասին. «Տեղյակ չենք եղել, զարմացնում է այն, թե ինչու այդ ամենն արվեց նաիրիտցիներից գաղտնի: Մենք անընդհատ պայքարել ենք «Նաիրիտի» վերագործարկման համար, բայց իրենք թաքուն, արագացված դատական նիստով սնանկ ճանաչեցին գործարանը: Ցանկացած գաղտնիություն լավ բան չի ասում»: «Նաիրիտ»-ը սնանկ ճանաչելու գաղտնի որոշումը լավ բան չի բերի, մեզ ուզում են ցրեն»:
«Նաիրիտ» գործարանը սնանկ է ճանաչվել. նոյեմբերի 28-ի երեկոյան Երևանի Շենգավիթ վարչական շրջանի ընդհանուր իրավասության դատարանը հրապարակել է սնանկացման վճիռը՝ բավարարելով «Հայաստանի էլեկտրական ցանցեր» ՓԲԸ-ի հայցը:
Նաիրիտցիները շարունակում են պայքարը, պահանջում են հանդիպում վարչապետի հետ:
Մանրամասները՝ տեսանյութում: